رغم ان الفنان الكوميدي ابو حفيظة واسمه الحقيقي اكرم حسني، "سرق" اغنية تامر حسني مع شيرين "لو خايفة" وحرّف كلماتها واداها بصوته بشكل كوميدي، لكن تامر حسني المطرب الاصلي للاغنية اعلن عن اعجابه بها وبالمغني ابو حفيظة، وأشاد بالفيديو الذي أداه ابو حفيظة بعد إدخال كلمات جديدة للأغنية كي يوجه من خلالها رسالة قوية عن معاناة الشباب الذي يفتقد "عش الزوجية"، أو الشباب الذي فاز بإحدى شقق إسكان الشباب والتي لا تتجاوز مساحتها 70 مترا وهي غير صالحة للمعيشة.

وعلق نجم الجيل تامر حسني على الـ فيديو كليب عبر صفحته الرسمية في "فيس بوك" قائلا ان اداء الاغنية تم بشكل فوق الرائع واضاف: بجد رسالة محترمة وأداء "اكرم" هايل، موتني من الضحك هو والبنت". وكانت كلمات الاغنية الاصلية "انا خايفة" اداء تامر حسني مع شيرين تقول: لو خايفه اضمك تلاقي الامان.. لو تايهه في قلبي تلاقي الحنان.. اه اجيلك لو انت في ابعد مكان.. لو خايفه اضمك تلاقي الامان... اما الاغنية الجديدة فتتحدث عن ضيق الشقة.

اكرم حسني يغني "شقة الـ 70 متر"

اما "أبو حفيظة" فحاول رصد معاناة الشباب في مصر وعدم قدرتهم في الحصول على شقة للزواج بسهولة، واستعان بأغنية تامر حسني وشرين مع تغيير كلماتها فتقول كلمات الأغنية الجديدة:

"لو شقة 70 متر يبقى أمان..
مش فارقة في الصحراء أو قرب السودان..
هي كلمة أبويا قالهالي زمان..
أدي دقني لو جبت خرم إبرة أنت وإيمان..
خراب بيتك هاتدفع كل اللي معاك..
ويا ريتك هتلاقي نقطة ميه هناك..
هاخدها لو حتى جرحنا الجيران..
لو شقة 70 متر يبقى أمان..
أنا حاسس أني هالبس في إسكان شباب..
وأنا عارف شققهم متكفيش دولاب..
مصيبة لو فكرت أن أجيب يوم عيال..
وساعتها هاضطر ألجأ لأبغض الحلال..
أنا جنبك عجزت خلاص يا بعيد..
وبكرمش ووشي أتملى بالتجاعيد..
هاخدها لو حتى جرحنا الجيران.. لو شقة 70 متر يبقى أمان".

الاغنية الاصلية تامر حسني وشيرين "لو خايفة"