بعد أن قام الفنان أحمد حلمي بتغير اسم فيلمه الجديد من "عقبال عندكم" إلي "ألف مبروك" انتشرت شائعات تؤكد أنه قام بتغيره تحت ضغط وتهديد من الفنانة فيفي عبده لذلك توجهنا إلي فيفي عبده.
سألتها المحيط "هل قمت حقا بتهديد الفنان احمد حلمى والشركة المنتجه لفيلمه الجديد ولهذا السبب قاموا بتغيير عنوان الفيلم الى "الف مبروك"؟
|
عندى فيلم بالاسم ده واشتريته |
ضحكت واجابت بأسلوبها الذى اشتهرت به: هددتهم .. هددتهم اذاى يعنى .. هو انا من امتى بهدد حد .. ايه الكلام اللى بتقولوه ده ومين اللى قاله لكم .
ماحدش قلنا حاجة ياست الكل بس احنا عارفين ان انتى عندك سيناريو فيلم اشترتيه من فترة طويلة واسمه بارضه "عقبال عندكم" وبالتالى من حقك الاعتراض على ظهور اى فيلم تانى بيحمل نفس الفيلم؟
هو كده يبقى الكلام فعلا انا عندى فيلم بالاسم ده واشتريته من فترة طويلة وانوى العودة به للسينما علشان بجد وحشتنى قوى وقد قررت انتاجه على نفقتى الخاصة وبعدين مؤلف الفيلم ده غير مؤلف الفيلم ده وموضوع الفيلم ده مالهوش علاقة بالفيلم ده وهو ده الموضوع بس انى هددت حد اوخوفت حد ده ماحصلش اصلا.
طيب ليه احمد حلمى والشركة غيروا عنوان فيلمهم؟
اكيد طبعا عرفوا ان عندى فيلم بتاعى بنفس الاسم وطلعوا ناس محترمين .
طيب عرفوا من مين؟
وده يفرق معاكم فى ايه؟ .. عرفوا منى او من المؤلف اومن اى حد تانى المهم انهم عرفوا وخلاص وغيروا عنوان فيلمهم وهو ده المهم عندى علشان ماينفعش ان ينزل فيلمين بعنوان واحد .
فيلم "عقبال عندكم" المعدل الى" الف مبروك" تاليف محمد دياب واخراج احمد نادر جلال ويشارك فى بطولته مع احمد حلمى الوجه الجديد رحمة واعضاء فرقة قهوة سادة ويسعى احمد حلمى به للحفاظ على المكانة التى حققها فى المواسم الثلاثة الماضية حيث تربع فيها على قمة السباق السنوى وليس سباق الصيف فقط ويدور موضوعه حول شخص انانى يعيش لنفسه فقط ومن ثم لايهتم بمشاعر اورغبات الاخرين حتى يتعرض لمجموعة من المواقف يكتشف بعدها انه كان على خطأ فيبدأ رحلة تغيير نفسه وافكاره .
شاهدوا لقطات من فيلم قديم للفنانة والراقصة فيفي عبده
موقع المسلسلات والأفلام وبرامج التلفزيون الرائد في العالم العربي
